أخبار

البشير : نمو الإقتصاد السودانى تجاوز التوقعات لدرجة دفعت خبراء إلى ترشيحى لجائزة (نوبل)

التغيير واتساب

خدمة الـتغيير واتساب

إحصل علي اَخر التحديثات يومياً علي هاتفك

التغيير : الخرطوم

القى المشير عمر البشير مساء امس (السبت) خطاباً مثيراً للجدل زعم خلاله ان الاقتصاد السودانى يحقق نمواً وجد إشادة دولية إلى درجة ترشيحه لنيل جائزة (نوبل) فى الإقتصاد.

وقال البشير، الذى كان يخاطب مؤتمر الحركة الاسلامية التى يترأس هئيتها القيادية العليا – ان التقارير الدولية أثبتت وجود نسبة نمو بلغت 2,4% مما وجد اشادة من الخبراء المختصين في الشأن السوداني دفع احدهم وهو (اليكس لوال) بالمطالبة “بمنح الرئيس السوداني جائزة نوبل في الاقتصاد” .
وزعم البشير ان الدولة تنفق 48% من ميزانيتها في الرعاية الاجتماعية من صحة وتعليم وليس في الحرب كما ادعى البعض ، وقال ان الدولة مهتمة بالسلع الضرورية للمواطنين وتعمل على تنفيذ خطط  وبرامج لتحقيق هذا الهدف.

وتؤكد تقارير دولية ان الحكومة السودانية تخصص نحو ٧٠٪ من ميزانيتها للامن والدفاع. ويستحوذ جهاز الامن والمخابرات على النصيب الأكبر من الميزانية ويليه قوات الشرطة التي أضيفت لها الكثير من التشكيلات والفرق  تحت مسميات عديدة وجلبت لها الكثير من الأسلحة والمعدات بعد ان أصبحت تقاتل المتمردين في مناطق النزاعات وكان دورها من قبل محصورا في حفظ  الامن داخل المدن.

وياتى حديث البشير فى ظل الإنهيار المتسارع للجنيه السودانى الاسابيع الماضية والازمة الإقتصادية الخانقة التى يعانى منها السودانيين. وشهدت عدد من المدن بما فيها العاصمة الخرطوم الايام الماضية تظاهرات عنيفة ضد حكم المشير البشير تمت مواجهتها بالعنف مما ادى إلى سقوط قتلى وحملة إعتقالات وسط المتظاهرين.

‫43 تعليقات

  1. الرجل مريض نفسي ؟! نمو إقتصادي بدون مشروع الجزيرة الخربته حكومته الفاشلة كيف يكون ذلك، يبدو الغباء وصل إلى حد المرض، ما دام البشير أخرج كل الهامش من الأعتماد على الميزانية والموجود يقسمه على اللصوص و وناس الخرطوم أكيد النسية تكون كبيرة، هذا الرجل المريض صار مشكلة حقيقية الآن ، لأن البلد تنهار وهو يرقص فرحا بتنمية لا توجد إلا في رأسه المريض.

  2. البنقو ما كعب بس كعب البنقو الكعب !!!!

    الراجل ده جادي في كلامو ده !!!

    والله يا بشه الله يهون علي البلد والشعب الفضل ده !!!!

    قال اقتصاد ؟؟؟

    هو اصلا في اقتصاد زاتو ،الدولة أصبحة إقطاعية تابعة ليكم

    ????

    1. والله انت لو كنت في السودان في زمن حكومة الصادق كنت حتعرف الفرق والجريمة وقصة اميرة الحكيم وسقوط المدن في يد التمرد ومحاكمة عمر البشير قبل الثور في ميم لما وزع تعينات الجيش للمواطنين الجوعاء وصفوف الرغيف من الفجر ياخي انت شعر غريب جدا جدا والحرب في السودان قبل عمر من عام ١٩٥٥ يعني شكل ماعارف شيء بالمناسبه البشير أحسن من ناس كتير حكموا السودان ورايك شنوا في الجماعة البره في أمريكا وإسرائيل يبيعوا في البلد بالأجل وياسيخ انت عمرك ما كنت دوله غنيه ولا شيء نحن بجد عندنا وهم إنوا نحن الاحسن بس دي غير صحيح امانتنا لغيرنا وخلاصنا في العمل في الخارج بس في البلاد مافي شيء

  3. المشكلة ما البشير مشكلتنا مع الخواجة الفاسد الغير امين المدعو الكس دوول. كانت الد اعداء النظام و فجاة حول 180 درجة قال احسن يعمل شوية قرشات على حساب ضحايا هذا النظام يجب علينا توجيه اسلاحتنا نحو الكس و فضحه حتى لا يستغل تلك المنابر للتسويق لبضعته الفاسدة.
    ربنا يلعنوا و ينعل البشير

    1. الكس دوول دة شخصية خيالية بحثت بالانجليزي و الفرنسي و العربي عن مصدر لهذا الترشيح او شخصية دوول لم اجد لو عندكم المصدر دلونا عليه قال يرشح البشير لجائزة نوبل ههههههها

  4. هههههه الراجل ده وصلت به جنون العظمه ليطول جائزة نوبل
    رشوه بموية نار عشان يفيق ونحن زاتنا محتاجين افاقة والله من السفسطه واللعب اللاعبه الاهبل ده وعصابته

  5. الله في يا ريس ايام الدنيا قصيرة عمرك شفت واحد مخلد ارجع لي الله وتوب باقي عمرك ده القبلك ماتو وكلنا ماشين حق الناس الماكلنو المعاك الله بسالك منو انت لانك نايم ومخلي الحكم لي ناس يظلمو وما بخافو الله حسبي الله ونعم الوكيل

  6. اجي يا هناي بالغت لكن اقتصاد وين في السودان يطرشني ما شفت نموء غير في سعر الدولار و أسعار السلع و عدم وجود مشاريع و ألفي ان وجد منهارة و تعليم منتهي و صحة مافي و مواطن غلبو الانتاج لعوز المقومات الإنتاجية

  7. النمو في عماره وبيوت وسيارت فارها ومافي غير كده تاني نمو….انا عايز اعرف البشير بخاف الله ولا لا ….انسان لاعندو فاطمه ولا احمد مالو مبتلي بذنوب الشعب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى