لجنة بالكونغرس الأمريكي تصوت اليوم لفرض عقوبات على مسؤولين سودانيين

الشعب السوداني يعاني من الحرمان .. الأسرة السودانية لا تستطيع شراء ربع كيلو لحمة في اليوم رغم أن السودان يملك أكبر ثروة حيوانية في المنطقة في حين أن فلسطين التي يقولون أنها محتلة يستهلك الفرد فيها ثلث كيلو من اللحم يوميا .. السودان يعاني من نقص الخبز والذرة رغم أنه ينتج أكثر من حاجته من الذرة .. أين تذهب منتجات السودان الزراعية والحيوانية والمعدنية ؟؟ لماذا لا يستفيد منها الشعب ؟؟؟ لأنها تستعمل في غسيل الأموال وينهبها الفاسدون من عسكر وكيزان .. لماذا لا يأكل السودانيون مئات المنتجات البحرية والتي لم يسمعوا بها الا سمع؟ لأن البشير الفاسد أعطى حق الصيد في الحيد البحري للشركات الفلبينية عشان تصيد وتودي صيدها من المنتجات البحرية الى الفلبين وخلي الشعب السوداني يموت من الجوع والبشير قال الشعب السوداني ما بستحق ولا كسرة بويكة .. البشير وعسكره الفاسد بدل أن يضيعوا مال الشعب المنهوب في شراء لاندكروزرات للمليشيات عشان تقتل بيها الشعب وتهرب ثروته للخارج كان مفروض يشترو ثلاجات يوزعوا بيها الصيد البحري لمدن السودان أو يعملو مزارع دجاج في كل مدينة سودانية .. مافي حاجة في الدنيا دي أرخص من انتاج الدجاج .. ثمن كيلو الدجاج في الدول المنتجة له أقل من دولار واحد وثمنه في السودان ثلاثة دولارات لأن فساد العسكر قلب كل الموازين الاقتصادية .. السودان هو المكان الوحيد الذي يبلغ ثمن طبق البيض فيه أربعة دولارات .. ده هو حكم العسكر الفاسد .. لو كان الشعب صاحي ما كان ترك البشير يحكم ثلاثين سنة .. الشعب كان نايم ومغيب وهسي الشعب صحى من نومو وما حينوم تاني وما بخلي عسكري يحكم تاني .. من أعطاكم الحق يا عسكر أن تحكمونا منذ مولدنا وحتى موتنا ؟؟ كان تلبسو نظارات أو تعملو استعراضات عسكرية بوحدات مهلهلة ده كله ما بجيب فايدة ولا بعمل عزة للوطن .. عزة الوطن بعزة شعبه وهيبة الوطن باحترام حقوق شعبه .. أنتم تهينون السودان لأنكم تهينون المواطن السوداني .. أنتم الذين اختطفتم السودان وتعرضون أمنه للخطر في كل يوم ومنذ ثلاثين سنة لم نرى منكم أي دليل على أنكم تعملون لخير السودان أو لخير شعبه .. أنتم تعمدتم تجويع الشعب السوداني وامتهان كرامته واذلاله وقد حان الوقت الآن ليتوقف كل هذا العبث وسنقولها مليار مرة يسقط حكم العسكر
تقول الأمم المتحدة أن دولارين في اليوم تكفي الأسرة في أي مكان في العالم الا في السودان فهي لا تكفي لأن السودان بلد ينهشه الفساد .. النظام الاقتصادي بأكمله نظام فاسد .. السلع في السودان أغلى من أي مكان في العالم بسبب الفساد .. الفساد وتدمير الاقتصاد وقتل المدنيين هي انجازات العسكر طوال ثلاثين سنة والشعب السوداني يقول الآن كفى .. حتى ولو نموت جميعا لن نرضى بحكم العسكر .. لا يخدعك يا برهان بياعين الكلام اللافين حواليك ويقولون لك أن مشكلتك مع قوى الحرية والتغيير .. لا .. مشكلتك مع الشعب السوداني كله .. ويخدعك بياعين الكلام ويقولون لك ان الشعب سيمل ويتعب من المظاهرات .. نحن شعب لا يمل ولا يتعب وسنحارب الفساد لأن حياتنا ومستقبلنا يعتمدان على انتصارنا وانتصار ثورتنا .. في الاسلام من مات دفاعا عن نفسه وأرضه وعرضه وماله فهو شهيد .. وفي القيم الانسانية والأخلاقية فالموت في سبيل الحق هو أعظم قيمة انسانية وأخلاقية لا يختلف عليها اثنان مهما كان دينهم أو مكانهم في العالم .. اذن فالذين ضحوا بأرواحهم لأجل الثورة هم شهداء بكل المقاييس الاسلامية والانسانية والأخلاقية .. ولن يستطيع أي انسان أن يسلبهم هذا الشرف وسنخلد أسماءهم الى الأبد في أضخم صرح تذكاري سنبنيه في قلب الخرطوم عندما تعود لنا ثورتنا وستعود قريبا لأننا لا نملك خيارات أخرى .. اما الثورة أو لا شيء